عندك فكرة؟
فكرة مقطع إعلاني، أو طريقة تسويق، أو عرض، أو تعديل بالمتجر يزيد المبيعات.
إذا اعتمدناها لك مقابل مالي، والمبلغ حسب حجم الفكرة.
تطبيقات وبرامج
برامج وأدوات وتراخيص.
شركاء ملدس
عندك فكرة أو منتج؟ خلنا نكسب سوا
فكرة إعلان أو تسويق تزيد المتجر لك عليها مقابل مالي، ومنتجك أو خدمتك نعرضها ونبيعها بدون ما تفتح متجر.
+140ألف
زيارة لمتجرنا في آخر 90 يوم
لما ينعرض منتجك عندنا يكون قدّام هالزوار، والعميل يشتري وهو مطمّن لأنه يعرف ملدس.
طريقين تكسب فيهم معنا
عندك منتج أو خدمة؟
ما يحتاج تفتح متجر ولا تتحمل تكاليف. نصمم صورة منتجك ونكتب وصفه ونعرضه لعملائنا.
ناخذ نسبة بس لما تبيع، ونتفق عليها معك بشكل يرضي الطرفين.
أفكار نبيها
أي شي يجيب عملاء جدد أو يخلي العميل يرجع لنا. مثل:
- مقطع تيك توك يشرح الاشتراك بطريقة تضحك
- عرض خاص لمناسبة جاية
- فكرة تخلي العميل يرجع يشتري مرة ثانية
- تعديل يخلي صفحة المنتج أوضح
- مسابقة للمتابعين تجيب متابعين جدد
- تعاون مع صانع محتوى يناسبنا
- سكربت إعلان سناب يوقّف الواحد عنده
- منتج ناقص بالمتجر والناس تدوّره
وش نقبل من منتجات وخدمات؟
أي منتج رقمي أو خدمة تنقدّم أونلاين.
اشتراكات وأكواد
اشتراكات منصات وتطبيقات، وأكواد وبطاقات رقمية.
قوالب وملفات
قوالب تصميم وملفات جاهزة.
دورات وشروحات
دورات مسجّلة وشروحات تعليمية.
تصميم
شعارات وهويات وصور منتجات.
مونتاج
مقاطع ريلز وتيك توك ويوتيوب.
برمجة
مواقع وتطبيقات وأدوات.
إدارة حسابات
حسابات السوشال ميديا والمحتوى.
ما نتعامل مع أي مزود إلا بعد ما نجرّب منتجه ونثق فيه. ما راح نبيع شي مسروق أو مو أصلي.
ما عندك سجل تجاري ولا وثيقة عمل حر؟ عادي. تقدر تبيع خدمتك مع ملدس.
أنت توفّر الخدمة، والباقي علينا
علينا
- نصمم صورة منتجك ونكتب وصفه
- نعرضه في ملدس قدّام عملائنا
- نستلم طلب العميل ونسلّمه منتجك
- دعم ملدس الفني يرد على العملاء ويساعدهم
عليك
توفّر المنتج أو الخدمة.
بس.
كل 7 أيام تستلم حق الأسبوع اللي انباع فيه منتجك، بتحويل بنكي.
تشوف أرقام منتجك الفعلية من تقارير سلة الرسمية.
تعهّد
فريق ملدس يتعهد أمام الله أن أي فكرة تُكتب فلن نعمل بها حتى يأخذ صاحب الفكرة مقابله.
أسئلة شائعة
أحتاج سجل تجاري أو وثيقة عمل حر؟
لا. تقدر تبيع خدمتك أو منتجك مع ملدس بدونها.
كم آخذ على فكرتي؟
المبلغ حسب حجم الفكرة، وتاخذ حقك قبل ما نشتغل فيها.
كم نسبتكم من مبيعات منتجي؟
نتفق عليها معك قبل ما نعرض المنتج، وتكون مرضية للطرفين. وما ناخذ شي إلا لما تبيع.
متى وكيف أستلم فلوسي؟
بتحويل بنكي. وأصحاب المنتجات يستلمون كل 7 أيام حق الأسبوع اللي انباع فيه منتجهم.
كيف أعرف كم بعت؟
نشاركك تقارير سلة الرسمية، وتشوف فيها أرقام منتجك الفعلية.
مين يتعامل مع العملاء؟
ملدس. نستلم الطلب ونسلّم العميل، ودعمنا الفني يرد عليه. أنت عليك توفّر الخدمة بس.
تقبلون أي منتج؟
نقبل المنتجات الرقمية والخدمات الأونلاين. وقبل ما نتعامل مع أي مزود نجرّب منتجه ونتأكد إنه أصلي.
متى تردون علي؟
نراجع الطلبات بشكل دوري، ونتواصل مع اللي تناسبنا فكرته أو منتجه.